ஒரு கோடி மரக்கன்றுகள் நடும் திட்டம் ஒசூரில் தொடக்கம்

உலக சுற்றுச்சூழல் தினத்தை முன்னிட்டு ஈஷா காவேரி கூக்குரல் இயக்கம் மற்றும் ஒசூர் வாழ் மக்கள் இணைந்து பசுமை கிருஷ்ணகிரி மாவட்டத் திட்டத்தில் ஒருகோடி மரக்கன்றுகள் நடும் இயக்கத்தை ஒசூர் செயின்ட் பீட்டர்ஸ் மருத்துவக் கல்லூரியில் சட்டப் பேரவை உறுப்பினர் ஒய். பிரகாஷ், மேயர் எஸ்.ஏ.சத்யா ஆகியோர் வியாழக்கிழமை தொடங்கி வைத்தனர்.

- 

ஒசூர், ஜூன் 5:

ஒசூர், பத்தலப்பள்ளியில் உள்ள செயின்ட் பீட்டர் மருத்துவக் கல்லூரியில் நடைபெற்ற நிகழ்ச்சியில் சிறப்பு விருந்தினராகக் கலந்து கொண்ட திரைப்பட நடிகரும், இயக்குநருமான கிட்டி (எ) ராஜா கிருஷ்ணமூர்த்தி, 'இளைஞர்கள், மாணவர்கள் அதிக அளவில் முன்வந்து மரக்கன்றுகள் நடும் திட்டத்தை தீவிரப்படுத்த வேண்டும். சாலை விரிவாக்கம் செய்யும் போது வெட்டப்படும் மரத்திற்கேற்ப அதிக எண்ணிக்கையில் மரங்களை நடவேண்டும்' என்றார்.