இணைநோய் உயிரிழப்புகள் கரோனா இறப்பாக கருதப்படாது

இணை நோய் தாக்கத்தால் நேரிடும் உயிரிழப்புகள் கரோனா இறப்பாக கருதப்படாது என்று மக்கள் நல்வாழ்வுத் துறை அமைச்சர் மா.சுப்பிரமணியன் தெரிவித்தார்.

- 

சென்னை, ஜூன் 4:

சென்னை தேனாம்பேட்டையில் உள்ள டிஎம்எஸ் வளாகத்தில், நீடித்த நுரையீரல் அடைப்பு நோய் மற்றும் கொழுப்பு மிகு கல்லீரல் நோய் விழிப்புணர்வு பயிற்சி முகாமை அமைச்சர் மா.சுப்பிரமணியன் புதன்கிழமை தொடங்கி வைத்தார். மக்கள் நல்வாழ்வுத் துறைச் செயலர் ப.செந்தில்குமார், தேசிய நல வாழ்வு குழும இயக்குநர் அருண் தம்புராஜ், பொது சுகாதாரம் மற்றும் நோய்த் தடுப்பு மருந்துத் துறை இயக்குநர் செல்வவிநாயகம், மருத்துவம் மற்றும் ஊரகநலப்பணிகள் இயக்குநர் ஜெ.ராஜமூர்த்தி, இணை இயக்குநர் (தொற்றா நோய்) கிருஷ்ணராஜ், திட்ட அலுவலர் (தொற்றா நோய்) பிரவீண் உள்ளிட்டோர் நிகழ்வில் பங்கேற்றனர்.