யேமன்: அமெரிக்க தாக்குதலில் 68 ஆப்பிரிக்க அகதிகள் உயிரிழப்பு

யேமனில் அமெரிக்கா திங்கள்கிழமை நடத்திய வான்வழித் தாக்குதலில் 68 ஆப்பிரிக்க அகதிகள் உயிரிழந்ததாக அந்த நாட்டின் கணிசமான பகுதிகளில் ஆட்சி செலுத்திவரும் ஹூதி கிளர்ச்சியாளர்கள் தெரிவித்துள்ளனர்.

- 

துபை, ஏப். 28: யேமனில் அமெரிக்கா திங்கள்கிழமை நடத்திய வான்வழித் தாக்குதலில் 68 ஆப்பிரிக்க அகதிகள் உயிரிழந்ததாக அந்த நாட்டின் கணிசமான பகுதிகளில் ஆட்சி செலுத்திவரும் ஹூதி கிளர்ச்சியாளர்கள் தெரிவித்துள்ளனர்.

இது குறித்து கிளர்ச்சியாளர்களின் அல் மாசிரா தொலைக்காட்சி தெரிவித்ததாவது: சாடா பகுதியில் உள்ள சிறைச் சாலை வளாகம் தடுப்பு முகாமாக மாற்றப்பட்டு, அங்கு ஆப்பிரிக்காவில் இருந்து வந்திருந்த ஏராளமான அகதிகள் தங்க வைக்கப்பட்டிருந்தனர்.

அந்த முகாம் மீது அமெரிக்கா திங்கள்கிழமை வான்வழித் தாக்குதல் நடத்தியது. இதில் சேதமடைந்த சிறைச்சாலை கட்டடத்தின் இடிபாடுகளில் இருந்து 68 உடல்கள் மீட்கப்பட்டன. இது தவிர, இந்தத் தாக்குதலில் 47 அகதிகள் காயமடைந்துள்ளனர் என்று அந்தத் தொலைக்காட்சி தெரிவித்தது.