மாவட்ட கூடுதல் நீதிபதியை 3 மாத பயிற்சிக்கு அனுப்பிய அலாகாபாத் உயர்நீதிமன்றம்

தீர்ப்பு எழுதத் தெரியவில்லை என்ற அடிப்படையில் மாவட்ட கூடுதல் நீதிபதியை நீதிபதிகளுக்கான பயிற்சி நிறுவனத்தில் மூன்று மாத பயிற்சிக்குச் செல்லுமாறு அலாகாபாத் உயர் நீதிமன்றம் உத்தரவிட்டுள்ளது.

- 

பிரயாக்ராஜ், ஏப்.27:

உத்தரப் பிரதேச மாநிலம் கான்பூர் நகர் மாவட்ட நீதிமன்றத்தில் குத்தகை தகராறு தொடர்பான தனது மனுவில், கூடுதல் காரணங்களைச் சேர்க்க வேண்டும் எனக் கோரி அதே பகுதியைச் சேர்ந்த முன்னி தேவி என்பவர் தரப்பில் மனு தாக்கல் செய்யப்பட்டது.

இந்த மனுவைப் பரிசீலித்த மாவட்ட கூடுதல் நீதிபதி அமித் வர்மா, எந்தவித காரணத்தையும் குறிப்பிடாமல் மனு தள்ளுபடி செய்யப்படுவதாக 3 வரி உத்தரவைப் பிறப்பித்துள்ளார்.