பெற்றோர் விவாகரத்து: குழந்தைக்கு துபை நீதிமன்றம் பயணத் தடை

'கணவன்-மனைவி இடையேயான பிரச்னைக்காக குழந்தைக்கு பயணத் தடை விதித்த துபை நீதிமன்றத்தின் உத்தரவு மனித உரிமைகளை மீறும் செயல் என உச்சநீதிமன்றம் கண்டனம் தெரிவித்தது.

- 

புது தில்லி, ஏப்.18:

விவாகரத்து ஆன இந்திய மனைவியிடமிருந்து குழந்தையை மீட்டு தன்னிடம் ஒப்படைக்குமாறு கானா நாட்டைச் சேர்ந்த நபர் தாக்கல் செய்த ஆள்கொணர்வு மனு மீதான விசாரணையின்போது உச்சநீதிமன்றம் இவ்வாறு தெரிவித்தது.

கடந்த 2018, ஏப்.19-இல் துபையில் வசிக்கும் கானா நாட்டைச் சேர்ந்த நபர் ஒருவர் பெங்களூரைச் சேர்ந்த பெண்ணை வெளிநாட்டு திருமண சட்டம் 1969-இன் கீழ் திருமணம் செய்து, அதை துபையில் உள்ள இந்திய துணை தூதரகத்தில் பதிவு செய்துள்ளார். அந்த தம்பதிக்கு கடந்த 2019, ஜன.24-இல் குழந்தை பிறந்ததையடுத்து 2021 வரை துபையில் வசித்து வந்தனர்.