ஆந்திர பட்டாசு ஆலையில் தீ விபத்து: 8 பேர் உயிரிழப்பு

ஆந்திரத்தின் அனகாப்பள்ளி மாவட்டத்தில் அமைந்த பட்டாசு உற்பத்தி ஆலையில் ஞாயிற்றுக்கிழமை ஏற்பட்ட தீ விபத்தில் 2 பெண்கள் உள்பட 8 பேர் உயிரிழந்தனர்; 7 பேர் காயமடைந்தனர்.

- 

ஆந்திரத்தின் அனகாப்பள்ளி மாவட்டத்தில் தீ விபத்தில் தரைமட்டமான பட்டாசு உற்பத்தி ஆலை. நாள்: ஞாயிற்றுக்கிழமை

விசாகப்பட்டினம், ஏப். 13:

அனகாப்பள்ளி மாவட்டத்தின் கோடவுரத்லா கிராமத்தில் அரசு உரிமம் பெற்ற பட்டாசு ஆலை ஒன்று செயல்பட்டு வந்தது. சம்பவம் நிகழ்ந்த ஞாயிற்றுக்கிழமை பிற்பகல் 12.45 மணியளவில் ஆலையில் 15 ஊழியர்கள் பணியில் இருந்தனர்.

தீ விபத்து குறித்து தகவலறிந்து வந்த தீயணைப்புப் படையினர், காயமடைந்தவர்களை மீட்டு மருத்துவமனையில் அனுமதித்தனர். இறந்தவர்களின் உடல்கள் கைப்பற்றப்பட்டு, உடற்கூறாய்வுக்காக அனுப்பி வைக்கப்பட்டது.