அரசுப் பேருந்து ஓட்டுநர், நடத்துநர் தற்கொலை முயற்சி

விழுப்புரத்தில் உள்ள தமிழ்நாடு அரசுப் போக்குவரத்துக் கழகப் பணிமனை எண் 2-ஆவது வளாகத்தில் உடலில் டீசலை ஊற்றிக்கொண்டு, மின் விளக்கு கோபுரத்தில் ஏறி பேருந்து ஓட்டுநர், நடத்துநர் ஞாயிற்றுக்கிழமை தற்கொலை முயற்சியில் ஈடுபட்டனர்.

- 

விழுப்புரம், ஆக.3:

விழுப்புரத்திலிருந்து குண்டலப்புலியூர் வரை செல்லும் அரசு நகரப் பேருந்தின் ஓட்டுநராக வழுதரெட்டியைச் சேர்ந்த குபேரன் (50), நடத்துநராக விழுப்புரம் ஆர்.பி. நகரைச் சேர்ந்த பாலசுந்தரம் (45) ஆகியோர் பணியாற்றி வந்தனர்.

கடந்த ஜூலை 28-ஆம் தேதி இருவரும் பணியில் இருந்தனர். இந்தப் பேருந்து குண்டலப்புலியூரிலிருந்து விழுப்புரம் நோக்கி வந்து கொண்டிருந்தது. அப்போது, அசோகபுரியில் அரசு நகரப் பேருந்தை நிறுத்திவிட்டு, சாலையோரத்திலிருந்த தேநீர் கடையில் தேநீர் அருந்தினர்.