விசாரணை அறிக்கையை சமர்ப்பிக்க 3 மாநிலங்களுக்கு உச்சநீதிமன்றம் உத்தரவு

ஐஐடி - தில்லி, ஐஐடி-கரக்பூர் (மேற்கு வங்கம்) மற்றும் ராஜஸ்தான் மாநிலம் கோட்டாவில் மாணவர்கள் தற்கொலை செய்துகொண்ட விவகாரத்தில் சம்பந்தப்பட்ட மாநிலங்கள் மற்றும் யூனியன் பிரதேசத்தின் காவல் துறை நடத்திய விசாரணை அறிக்கையை சமர்ப்பிக்க உச்சநீதிமன்றம் திங்கள் கிழமை உத்தரவிட்டது.

- 

புது தில்லி, ஜூலை 14:

ஐஐடி-தில்லியில் 2023, ஜூலை 8-இல் ஆயுஷ் ஆஷ்னா என்ற மாணவரும் செப்.1-இல் அனில் குமார் என்ற மாணவரும் தங்கள் விடுதி அறைகளில் தற்கொலை செய்துகொண்டனர். அதே போல் ஐஐடி-கரக்பூரில் நிகழ்ந்த மே 4-இல் மாணவர் ஒருவர் தற்கொலை செய்துகொண்டார். இதுதொடர்பாக மே 8-ஆம் தேதி முதல் தகவல் அறிக்கை (எஃப்ஐஆர்) பதிவுசெய்யப்பட்டது.

ராஜஸ்தான் மாநிலம் கோட்டா மாவட்டத்தில் நீட் தேர்வுக்கு தயாராகி வந்த மாணவி ஒருவர் மே மாதம் தற்கொலை செய்துகொண்டார்.