பெங்களூரு நெரிசல் சம்பவம்: முதல்வர், துணை முதல்வர் பதவி விலக வேண்டும்

பெங்களூரில் ஆர்சிபி அணி வெற்றிக் கொண்டாட்டத்தினிடையே கூட்ட நெரிசலில் 11 பேரின் உயிரிழப்புக்கு பொறுப்பேற்று முதல்வர் சித்தராமையா, துணை முதல்வர் டி.கே. சிவகுமார் ஆகியோர் பதவி விலக வேண்டும் என்று பாஜக வலியுறுத்தியுள்ளது.

- 

புது தில்லி, ஜூன் 5: பெங்களூரில் ஆர்சிபி அணி வெற்றிக் கொண்டாட்டத்தினிடையே கூட்ட நெரிசலில் 11 பேரின் உயிரிழப்புக்கு பொறுப்பேற்று முதல்வர் சித்தராமையா, துணை முதல்வர் டி.கே. சிவகுமார் ஆகியோர் பதவி விலக வேண்டும் என்று பாஜக வலியுறுத்தியுள்ளது.

‘இந்தக் கூட்டநெரிசல் காங்கிரஸ் ஆளும் கர்நாடக மாநில அரசின் தோல்வி’ என்று பாஜக கடுமையாக குற்றஞ்சாட்டியது.

நடப்பு ஆண்டு, ஐபிஎல் கோப்பையை முதன்முறையாக வென்ற ஆர்சிபி அணியின் வெற்றிக் கொண்டாட்டம், பெங்களூரு சின்னசாமி மைதானத்தில் புதன் கிழமை மாலை நடைபெற்றது.

நிகழ்ச்சிக்கான உரிய டிக்கெட் இல்லாமல் லட்சக்கணக்கான ரசிகர்கள் மைதானத்துக்கு வெளியே கூடியதால், அங்கு தள்ளுமுள்ளு ஏற்பட்டது. இந்த நெரிசலில் சிக்கி தமிழகத்தின் திருப்பூரைச் சேர்ந்த இளம்பெண் உள்பட 11 பேர் உயிரிழந்தனர். 33 பேர் காயமடைந்தனர்.