காஷ்மீரில் பாகிஸ்தானுக்கு ஆதரவு இல்லை: அசாதுதீன் ஒவைசி

பாகிஸ்தான் தாக்குதலைக் கண்டித்து காஷ்மீரில் நடைபெற்ற போராட்டங்கள், அந்தப் பிராந்தியத்தில் பாகிஸ்தானுக்கு ஆதரவு இல்லை என்பதைக் காட்டுவதாக அகில இந்திய முஸ்லிம் மஜ்லிஸ் கட்சித் தலைவரும், ஹைதராபாத் எம்.பி.யுமான அசாதுதீன் ஒவைசி தெரிவித்தார்.

- 

ஹைதராபாத், மே 17:

இது தொடர்பாக அவர் பிடிஐ செய்தியாளருக்கு சனிக்கிழமை அளித்த பேட்டியில் கூறியிருப்ப தாவது:

பஹல்காமில் கடந்த மாதம் 22ஆம் தேதி நடைபெற்ற பயங்கரவாதத் தாக்குதலுக்குப் பிறகு காஷ்மீரில் உள்ள ஒவ்வொரு குடும்பத்திலும் துக்கம் அனுசரிக்கப்பட்டது. இத்தாக்குதலைக் கண்டித்து காஷ்மீரில் நடைபெற்ற போராட்டங்கள், அந்தப் பிராந்தியத்தில் பாகிஸ்தானுக்கு ஆதரவு இல்லை என்பதைக் காட்டுகிறது.