கடலூர் மாவட்டத்தில் மே தின கொண்டாட்டம்

மே தினத்தையொட்டி, கடலூர் மாவட்டத்தில் பல்வேறு தொழிற்சங்கங்கள், அரசியல் கட்சிகள் மற்றும் சமூக அமைப்புகள் தொழிலாளர் தினத்தின் முக்கியத்துவத்தை எடுத்துரைக்கும் வகையில் பேரணிகள், பொதுக்கூட்டங்கள் நடத்தினர்.

- 

நெய்வேலி/சிதம்பரம், மே 1: மே தினத்தையொட்டி, கடலூர் மாவட்டத்தில் பல்வேறு தொழிற்சங்கங்கள், அரசியல் கட்சிகள் மற்றும் சமூக அமைப்புகள் தொழிலாளர் தினத்தின் முக்கியத்துவத்தை எடுத்துரைக்கும் வகையில் பேரணிகள், பொதுக்கூட்டங்கள் நடத்தினர். அப்போது, அவர்கள் தொழிலாளர்களின் உரிமைக்காகவும், சமூக நீதிக்காகவும் குரல் எழுப்பினர்.

கடலூரில் சிஐடியு, ஏஐடியுசி தொழிற்சங்கங்களின் சார்பில் மே தின பேரணி பொதுக்கூட்டம் நடைபெற்றது. திருப்பாதிரிபுலியூரில் இருந்து தொடங்கிய மே தின பேரணி, சந்நிதி தெருவில் வந்தடைந்து பொதுக்கூட்டம் நடைபெற்றது.

பேரணி, பொதுக்கூட்டத்துக்கு ஏஐடியுசி மாவட்டத் தலைவர் வி.குளோப், சிஐடியு மாநிலக் குழு உறுப்பினர் என்.ஆர்.ஆர். ஜீவானந்தம் தலைமை வகித்தனர். சிஐடியு மாவட்ட இணைச் செயலர் பி.முருகன் வரவேற்றார்.

மாநில உதவி பொதுச் செயலர் கே.கோபி குமார், மாவட்டச் செயலர் டி.பழனிவேல், மாநிலக்குழு உறுப்பினர் கே.சாவித்திரி, மாவட்ட இணைச் செயலர்கள் வி.கிருஷ்ணமூர்த்தி, ஆர்.ஆளவந்தார், ஏ.பாபு, என்.தேசிங்கு, கே.ஸ்டாலின், துணைத் தலைவர்கள் வி.சுப்புராயன், ஏஐடியுசி அகில இந்திய நிர்வாகக்குழு உறுப்பினர் தினேஷ் பொன்னையா, மாவட்ட பொதுச் செயலர் எஸ்.குணசேகரன், மாவட்டச் செயலர் ஆர்.சுப்பிரமணியன், விவசாய சங்க மாவட்டச் செயலர் வி.எம்.சேகர், விவசாயத் தொழிலாளர்கள் சங்க மாவட்டச் செயலர் வி.பி.முருகையன் உள்ளிட்டோர் கலந்துகொண்டு பேசினர்.