உக்ரைனில் ஐ.நா. தலைமையிலான இடைக்கால அரசு

உக்ரைன் போரை முடிவுக்குக் கொண்டுவருவதற்கான ஒப்பந்தத்தை மேற்கொள்ள, அந்த நாட்டில் ஐ.நா. தலைமையிலான இடைக்கால அரசு அமைக்கப்பட வேண்டும் என்று ரஷிய அதிபர் விளாதிமீர் புதின் வலியுறுத்தியுள்ளார்.

- 

மாஸ்கோ, மார்ச் 28: உக்ரைன் போரை முடிவுக்குக் கொண்டுவருவதற்கான ஒப்பந்தத்தை மேற்கொள்ள, அந்த நாட்டில் ஐ.நா. தலைமையிலான இடைக்கால அரசு அமைக்கப்பட வேண்டும் என்று ரஷிய அதிபர் விளாதிமீர் புதின் வலியுறுத்தியுள்ளார். புதிய அணுசக்தி நீர்மூழ்கி ஒன்றை படையில் சேர்க்கும் நிகழ்ச்சியில் பங்கேற்ற அவர், அந்தக் கப்பலின் வீரர்களிடையே இதுகுறித்து பேசியதாவது:

உக்ரைனில் அதிபர் வொலோதிமீர் ஸெலென்ஸ்கியின் பதவிக் காலம் கடந்த ஆண்டே காலாவதியாகிவிட்டது. தற்போது நடைபெறும் அவரது ஆட்சி அந்த நாட்டு சட்டத்துக்குப் புறம்பானது.