மன மாற்றமே முதல் வெற்றி

வாழ்க்கையில் வெற்றி என்பது நேராகச் செல்லும் பாதை என்று நாம் பொதுவாக நினைத்துக் கொள்கிறோம்.

- அனந்த பத்மநாபன்

ஆனால், மிகச் சிறந்த வெற்றிகள்கூட, குழப்பமும் தடுமாற்றமும் நிறைந்த கடினமான நேரங்களில்தான் உருவாகின்றன என்பதை நாம் மறந்து விடுகிறோம். உண்மையில், பெரிய சாதனை செய்பவர்களின் ரகசியம், பிரச்னைகளைத் தவிர்ப்பது அல்ல; ஒரு தடையை நமது முன்னேற்றத்துக்கான தொடக்கப்புள்ளியாக மாற்றுவதுதான். இதை நாம் உளவியல் ரீதியாக எப்படி ஏற்றுக்கொள்கிறோம் என்பதுதான் முக்கியம்.புதிய வெற்றியை அடைய, நமக்கு முதலில் ஒரு மனத்திட்டம் தேவை. பிரச்னைகளை வெறுமனே எதிர்ப்பதில் இருந்து, அவற்றை ஏற்றுக்கொள்வதற்கும், அதன் மூலம் வளர்ச்சி அடைவதற்கும் நமது மனதை நாம் மாற்ற வேண்டும். இதுதான் வளர்ச்சி மனப்பான்மை ஆகும். இந்த மனப்பான்மையே, தோல்வியைப் பாடமாகவும், ஒவ்வொரு தடையையும் அடுத்த நிலைக்கான உந்துதலாகவும் மாற்றுகிறது.

சவாலை ஒரு பெரிய சுமையாகப் பார்க்காமல், புதிய விஷயங்களைக் கற்றுக் கொள்வதற்கும் திறமையை வளர்த்துக் கொள்வதற்கும் உள்ள வாய்ப்பாகப் பார்க்க வேண்டும்.