கோவையில் 10 தொகுதிகளிலும் திமுக வெல்லும்

வி.செந்தில்பாலாஜி எம்எல்ஏ

- 

கோவை, ஜூலை 1: கோவை மாவட்டம் திமுகவின் கோட்டை என்றும், மாவட்டத்தில் உள்ள 10 தொகுதிகளிலும் திமுகவே வெல்லும் என்றும் முன்னாள் அமைச்சர் வி.செந்தில்பாலாஜி எம்.எல்.ஏ. கூறினார்.

இது குறித்து கோவையில் செய்தியாளர்களிடம் அவர் செவ்வாய்க்கிழமை கூறியதாவது: தமிழர்களின் மண்ணையும், மொழியையும், மானத்தையும் காப்பாற்றுவதற்காக ஓரணியில் தமிழ்நாடு என்ற இயக்கத்தை முதல்வர் தொடங்கியுள்ளார்.

இதன் மூலம் கோவை மாவட்டத்தில் உள்ள 11.58 லட்சம் குடும்பங்களை நேரில் சந்தித்து, பாஜக அரசால் தமிழ்நாட்டுக்கு இழைக்கப்படும் அநீதிகளை எடுத்துரைக்க உள்ளோம். அத்துடன் கடந்த 4 ஆண்டுகளில் திமுக அரசு செய்துள்ள சாதனைகளையும், கோவையில் நிறைவேற்றப்பட்டுள்ள திட்டங்களையும் எடுத்துச் சொல்ல இருக்கிறோம்.