கடமை தவறியதாக கல்லூரி காவலாளி கைது

கொல்கத்தா சட்டக் கல்லூரி மாணவி பாலியல் வன்கொடுமை

- 

கொல்கத்தா, ஜூன் 28: மேற்கு வங்க மாநிலம், கொல்கத்தாவில் முதலாம் ஆண்டு சட்டக்கல்லூரி மாணவி கூட்டு பாலியல் வன்கொடுமைக்குள்ளாக்கப்பட்ட குற்றச்சாட்டில், அவர் பயிலும் கல்லூரியின் காவலாளி சனிக்கிழமை கைது செய்யப்பட்டார்.

தெற்கு கொல்கத்தா சட்டக் கல்லூரி வளாகத்தில் உள்ள காவலாளி அறையில் நடைபெற்ற இந்தக் கொடூர குற்றச் சம்பவம் தொடர்பாக, அதில் ஈடுபட்ட 3 பேர் ஏற்கெனவே கைதாகியுள்ளனர்.

இதுதொடர்பாக காவல் துறை அதிகாரி ஒருவர் மேலும் கூறுகையில், 'போலீஸார் விசாரணையில் கல்லூரி காவலாளி முன்னுக்குப் பின் முரணான பதில்களைக் கூறினார். சம்பவம் நடைபெற்ற கடந்த புதன்கிழமை மாலை அவர் கல்லூரியில் பணியில் இருந்தது, அங்குள்ள கண்காணிப்பு கேமராவில் பதிவாகியுள்ளது.