நீலகிரியில் கனமழை: மக்களின் இயல்பு வாழ்க்கை பாதிப்பு

திருநெல்வேலி மாவட்டம் பழவூர் அருகே காணாமல் போன பெண், நகைக்காக கொலை செய்யப்பட்டது 8 மாதங்களுக்குப் பின் துப்பு துலங்கியது.

- 

வள்ளியூர்/சேரன்மகாதேவி, ஜூன் 16: இது தொடர்பாக 4 பேரை போலீஸார் கைது செய்து நகைகளை மீட்டனர்.

பழவூர் அருகேயுள்ள மாடன் பிள்ளை தர்மம் கிராமத்தைச் சேர்ந்த சிவலிங்கதுரை மகள் கயல்விழி (28). இவர், கருத்து வேறுபாட்டால் கணவரைப் பிரிந்து தனது பெற்றோர் வீட்டில் வசித்து வந்தார்.

கடந்த 5.10.24 ஆம் தேதி கோயிலுக்கு செல்வதாக கூறிவிட்டுச் சென்ற அவர், பின்னர் வீடு திரும்பவில்லை.

இதுகுறித்து சிவலிங்கதுரை பழவூர் காவல் நிலையத்தில் புகார் செய்தார். போலீஸார் வழக்குப்பதிந்து விசாரித்தனர். வள்ளியூர் டி.எஸ்.பி. வெங்கடேஷ், பணகுடி காவல் ஆய்வாளர் ராஜாராம் தலைமையில் தனிப்படை அமைத்தும் தீவிர விசாரணை மேற்கொள்ளப்பட்டது.

அதில், கயல்விழி கைப்பேசி, அந்தப் பகுதியில் சிசிடிவி கேமராக்களை ஆய்வு செய்ததில், கன்னியாகுமரி மாவட்டம் கொட்டாரத்தைச் சேர்ந்த சாமியார் சிவசாமி என்பவருடன் அவருக்கு தொடர்பு இருந்தது தெரியவந்தது.