சின்னவேடம்பட்டி ஏரியில் சுத்திகரிக்கப்பட்ட கழிவுநீரை சேகரிக்கும் திட்டத்துக்கு எதிர்ப்பு

கோவை சின்னவேடம்பட்டி ஏரியில் சுத்திகரிக்கப்பட்ட கழிவுநீரை சேகரிக்கும் திட்டத்தை செயல்படுத்தக்கூடாது என்று அப்பகுதி விவசாயிகள், பொதுமக்கள் ஆட்சியரிடம் மனு அளித்தனர்.

- 

கோவை, ஜூன் 16:

இது தொடர்பாக சின்னவேடம்பட்டி சுற்று வட்டாரப் பகுதி விவசாயிகள், பொதுமக்கள் மாவட்ட நிர்வாகத்திடம் திங்கள்கிழமை அளித்த மனுவில் கூறியிருப்பதாவது:

கோவை வடக்கு பகுதியின் பிரதான நீராதாரமாக சின்னவேடம்பட்டி ஏரி உள்ளது. சுமார் 200 ஏக்கர் பரப்பளவில் அமைந்துள்ள இந்த ஏரி, சங்கனூர் ஓடையில வெள்ளப்பெருக்கு ஏற்படுவதைத் தடுப்பதற்காக கடந்த 35 ஆண்டுகளுக்கு முன்பு அப்பகுதி விவசாய நிலங்களை கையகப்படுத்தி செயற்கையாக உருவாக்கப்பட்டதாகும்.