வால்பாறை அரசு கல்லூரி மாணவர்களுக்கு விடுதி வசதி

ஆட்சியரிடம் கோரிக்கை

- 

கோவை, ஜூன் 9: வால்பாறை அரசு கல்லூரியில் பயிலும் மாணவர்களுக்கு விடுதி வசதி ஏற்படுத்திக் கொடுக்க வேண்டும் என்று மாவட்ட ஆட்சியரிடம் மனு அளிக்கப்பட்டுள்ளது.

கோவை மாவட்ட பொதுமக்கள் குறைகேட்பு கூட்டம் ஆட்சியர் அலுவலகத்தில் திங்கள்கிழமை நடைபெற்றது.

மாவட்ட ஆட்சியர் பவன் குமார் க.கிரியப்பனவர் தலைமையில் நடைபெற்ற இக்கூட்டத்தில், மார்க்சிஸ்ட் கம்யூனிஸ்ட் கட்சியின் வால்பாறை செயலர் பி.பரமசிவம் மனு அளித்தார்.

அதில், வால்பாறை அரசு கலைக் கல்லூரியில் உள்ளூர் மாணவர்களைவிட வெளியூர் மாணவர்கள் அதிக எண்ணிக்கையில் சேருகின்றனர். ஆனால், அவர்களுக்கு விடுதியில் தங்க இடம் இல்லை என்பதால் மாணவர் சேர்க்கைக்கு வருபவர்களை திருப்பி அனுப்பும் நிலை உள்ளது.