சின்னர், ஸ்வெரெவ், மினார் வெற்றி; மெத்வதெவ் தோல்வி

டென்னிஸ் காலண்டரின் 2-ஆம் கிராண்ட்ஸ்லாம் போட்டியான பிரெஞ்சு ஓபனில், முன்னணி வீரர்களான இத்தாலியின் யானிக் சின்னர், ஜெர்மனியின் அலெக்ஸாண்டர் ஸ்வெரெவ் ஆகியோர் முதல் சுற்றில் வென்றனர். ரஷியாவின் டேனியல் மெத்வதெவ் அதிர்ச்சித் தோல்வி கண்டார்.

- 

பாரீஸ், மே 27: டென்னிஸ் காலண்டரின் 2-ஆம் கிராண்ட்ஸ்லாம் போட்டியான பிரெஞ்சு ஓபனில், முன்னணி வீரர்களான இத்தாலியின் யானிக் சின்னர், ஜெர்மனியின் அலெக்ஸாண்டர் ஸ்வெரெவ் ஆகியோர் முதல் சுற்றில் வென்றனர். ரஷியாவின் டேனியல் மெத்வதெவ் அதிர்ச்சித் தோல்வி கண்டார்.

ஆடவர் ஒற்றையரில், உலகின் நம்பர் 1 வீரரான சின்னர் 6-4, 6-3, 7-5 என்ற செட்களில், உள்நாட்டு வீரரான ஆர்தர் ரிண்டர்னெச்சை தோற்கடித்தார். போட்டித்தரவரிசையில் 3-ஆம் இடத்திலிருக்கும் ஸ்வெரெவ் 6-3, 6-3, 6-4 என்ற நேர் செட்களில் அமெரிக்காவின் லேர்னர் டியெனை வீழ்த்தினார்.