கூட்டம் அலைமோதியபோது போலீஸ் கேரிக்கை நிராகரிப்பே 40 பேர் இறப்புக்கு முக்கிய காரணம்

தவெக தலைவர் நடிகர் விஜய்யின் கரூர் பிரசார கூட்டத்திற்கு மாலை 3 மணிக்கு தொடங்கும் என்று கரூர் மாவட்ட தவெக நிர்வாகிகள் கரூர் மாவட்ட ஆட்சியர் அலுவலகத்தில் மனு அளித்திருந்தனர். ஆனால் தவெக அதிகாரப்பூர்வ எக்ஸ் பக்கத்தில் பகல் 12 மணிக்கு தொடங்கப்பட்டும் என்று அறிவிக்கப்பட்டது. இதனால் கூட்டம் நடைபெறும் இடத்திற்கு காலை 11 மணியில் இருந்து மக்கள் ஒன்று கூடினர். ஆனால் தவெக அளித்த மனுவின்படி மாலை 3 மணிக்கு நடிகர் விஜய் பிரசார கூட்டத்திற்கு வரவில்லை. அதற்கு மாறாக இரவு 7.40 மணிக்கு தான் வந்தார். இதனால் பொதுமக்களின் கூட்டம் இருமடங்காக உயர்ந்தது. அப்போது கரூர் மாவட்ட டிஎஸ்பி தவெக நிர்வாகிகளிடம் கூட்டம் அலைமோதுவதால் பாதுகாப்பு கருதி கூட்டம் நடைபெறும் இடத்திற்கு நடிகர் விஜய் வாகனத்தை கொண்டு செல்லாமல் 50 மீட்டர் தொலைவில் பேசினால், கூட்ட நெரிசல் கட்டுப்படுத்தப்படும் என்று கூறியுள்ளார். ஆனால் தவெக மாநில நிர்வாகிகள் காவல் துறையின் கோரிக்கையை நிராகரித்துவிட்டனர். அதன் பிறகு கூட்ட நெரிசலில் நடிகர் விஜய் வாகனத்தை கொண்டு சென்று பிரசாரம் செய்தது தெரியவந்துள்ளது. காவல் துறையின் கோரிக்கையை தவெக மாநில நிர்வாகிகள் கேட்டிருந்தால் 40 பேர் நெரிசலில் சிக்கி இறந்து இருக்க மாட்டார்கள் என விசாரணையில் தெரியவந்துள்ளது.

- 

கூட்டத்திற்கான இடம் விதிமுறைகள் மீறல்

முதலில் கோரிய இடம் (லைட் ஹவுஸ் ரவுண்டானா, உழவர் சந்தை திடல்) மிக நெரிசல் பகுதி என்பதால் காவல் துறை மறுத்தும், கட்சியினர் அழுத்தம் கொடுத்து அனுமதி பெற முயற்சி செய்தனர்.

இறுதியில் வேலுசாமி புரம் இடத்தில் அனுமதி அளிக்கப்பட்ட பின்னும், கூட்டம் கூடும் அளவை சரியாக கட்டுப்படுத்த வில்லை.

பாதுகாப்பு வழிமுறைகள் பின்பற்றாதல்

கூட்டத்திற்கு தேவையான தடுப்பு வேலிகள், அவசர வெளியேறும் வாயில்கள் ஏற்பாடு செய்யப்படவில்லை.

மக்கள் நெரிசலை சீராக வழிநடத்த தன்னார்வலர்கள் போதுமான அளவில் நியமிக்க வில்லை.

குழந்தைகள், முதியவர்கள், பெண்கள் ஆகியோருக்கான தனி வசதிகள் செய்யப்படவில்லை.