களப்பணியே இலக்கினை அடையும் முதல் படி மீண்டும் தி.மு.க ஆட்சியமைக்க களம் தயார்

திமுக வினரின் களப்பணியே இலக்கினை அடையும் முதல் படி. 2026ல் மீண்டும் திமுக ஆட்சியமைக்க களம் தயாராகிவிட்டது. அதற்காக முழு வீச்சுடன் பணியாற்றுவோம் என்று மாவட்ட செயலாளர்கள் கூட்டத்தில் முதல்வர் மு.க. ஸ்டாலின் பேசினார்.

- 

திமுக மாவட்ட செயலாளர்கள் கூட்டம் சென்னை அண்ணா அறிவாலயத்தில் நேற்று திமுக தலைவரும், முதல்வருமான மு.க. ஸ்டாலின் தலைமையில் நடந்தது. கூட்டத்தில், முதல்வர் மு.க. ஸ்டாலின் பேசியதாவது:

'ஓரணியில் தமிழ்நாடு' பிரசாரம் மக்களிடையே பெரும் வரவேற்பை பெற்றுள்ளது. மக்களின் இந்த ஆதரவை அப்படியே தொடர்ந்து அதிகரிக்க வேண்டும். அதற்கு நாள் தோறும் திமுக நிர்வாகிகள் மக்களை சந்தித்துக் கொண்டே இருக்க வேண்டும். BLA 2, BDA நிர்வாகிகள் நியமிக்கப்பட்டு அவர்களுக்கான பயிற்சிக் கூட்டங்கள் நடைபெற்று முடிந்தன. அதேபோல BLC அமைத்து உறுப்பினர்களை நியமிக்க வேண்டும். 100 வாக்காளர்களுக்கு ஒரு BLC உறுப்பினர் என்ற விகிதத்தில் நிர்வாகிகள் நியமிக்கப்பட வேண்டும்.