முருக பக்தர்கள் மாநாடு ஏமாற்றம் அளிக்கிறது

தமிழ் கடவுளான முருகன் கோயில்களில், தமிழில் தான் அர்ச்சனை நடத்த வேண்டும் என்று மதுரையில் நடந்த முருக பக்தர்கள் மாநாட்டில் தீர்மானம் நிறைவேற்றாமல் போனது ஏமாற்றம் அளிக்கிறது என்று சபாநாயகர் அப்பாவு கூறினார்.

- 

சபாநாயகர் அப்பாவு நாகர்கோவிலில் நேற்று நிருபர்களிடம் கூறியதாவது: மதுரையில் நடந்த முருக பக்தர்கள் மாநாட்டில் தமிழ்நாட்டில் கோயில்களில் இருந்து இந்து சமய அறநிலையத்துறை வெளியேற வேண்டும் என தீர்மானம் நிறைவேற்றப்பட்டு இருப்பதாக பத்திரிக்கைகளில் படித்தேன். இந்தியாவில் ஒடிசாவில் பாரதிய ஜனதா ஆட்சி நடக்கிறது. பீகாரில் பா.ஜ. ஆதரவு பெற்ற ஆட்சி இருக்கிறது. இந்த இரு மாநிலங்களிலும் இந்து சமய அறநிலையத்துறை இருக்கிறது.