குழித்துறை ஆற்றில் விழுந்த மாணவர்களை மீட்டு உயிர்தியாகம் செய்த தொழிலாளி குடும்பத்திற்கு ரூ.10 லட்சம் நிவாரணம்

மார்த்தாண்டம், ஜூன் 6: குழித்துறையில் தாமிரபரணி ஆற்றில் இரு சிறுவர்களை மீட்டு உயிர் தியாகம் செய்த பீட்டர் வீட்டிற்கு அமைச்சர் மனோ தங்கராஜ், மாவட்ட கலெக்டர் அழகு மீனா ஆகியோர் நேரில் சென்று அவரது குடும்பத்திற்கு முதலமைச்சரின் பொது நிவாரண நிதியிலிருந்து ரூ.10 லட்சத்திற்கான காசோலையை வழங்கினர்.

- 

குழித்துறை தாமிரபரணி ஆற்றில் அடித்துச் செல்லப்பட்ட இருசிறுவர்களை குழித்துறை தபால் நிலையம் சந்திப்பை சேர்ந்த பீட்டர் ஜான்சன் உயிருடன் மீட்டார். ஆனால் அவர் தண்ணீரில் அடித்துச் செல்லப்பட்டார். ஒரு நாளைக்கு பிறகு அவர் சடலமாக மீட்கப்பட்டார்.

அவரது வீட்டிற்கு பால்வளத்துறை அமைச்சர் மனோ தங்கராஜ், மாவட்ட கலெக்டர் அழகு மீனா ஆகியோர் நேற்று நேரில் சென்று அவரது குடும்பத்தினருக்கு ஆறுதல் கூறினர். பின்னர் முதலமைச்சரின் பொது நிவாரண நிதியிலிருந்து ரூ.10 லட்சத்திற்கான காசோலையை வழங்கினர்.

அரசு சார்பில் வேலை வாய்ப்பு வழங்குவது என்பது அவர்கள் மனு அளித்தால் அரசுக்கு அனுப்பி வைக்கப்படும்.