கல்வி உரிமை சட்டத்தின் கீழ் மாணவர் சேர்க்கை தாமதம்

பொருளாதாரத்தில் பின்தங்கிய குழந்தைகளின் தனியார் பள்ளி கனவு கேள்விக்குறியாகிறது.

- 

ஒன்றிய அரசால் தமிழ்நாடு கல்வித்துறைக்கு வழங்கப்பட வேண்டிய ரூ.2152 கோடி நிதி நிறுத்தப்பட்டதால் இந்த ஆண்டு பள்ளிகள் திறந்தும் கட்டாய கல்வி உரிமை சட்டத்தின் கீழ் தனியார் பள்ளிகளில் 25 சதவீத ஒதுக்கீட்டில் மாணவர் சேர்க்கை இன்னும் தொடங்கவில்லை.

சமக்ர ஷிக்ஷா அபியான் என்பது ஒன்றிய அரசின் ஒருங்கிணைந்த கல்வித் திட்டமாகும். இது சர்வ ஷிக்ஷா அபியான், ராஷ்ட்ரிய மாத்யமிக் ஷிக்ஷா அபியான் மற்றும் ஆசிரியர் கல்வி ஆகிய மூன்று திட்டங்களை ஒருங்கிணைத்து, மழலையர் பள்ளி முதல் 12-ம் வகுப்பு வரை கல்வியை மேம்படுத்துவதை நோக்கமாகக் கொண்டுள்ளது. இது கல்வி உரிமைச் சட்டத்தை செயல்படுத்துவதற்கு முக்கியமானது. தமிழ்நாட்டிற்கு எஸ்எஸ்ஏ திட்டத்தின் கீழ் ₹3,586 கோடி ஒதுக்கப்பட்டது. இதில் ஒன்றிய அரசின் பங்கு (60%) ₹2,152 கோடியாகும். ஆனால், தமிழ்நாடு தேசிய கல்விக் கொள்கை (NEP 2020) மற்றும் பிஎம் ஸ்ரீ திட்டத்தை ஏற்க மறுத்ததால், இந்த நிதி 2023-24 முதல் ஒன்றிய அரசால் வழங்கப்படவில்லை.