திருவண்ணாமலை தொகுதி திமுக எம்பிக்கு தேசிய விருது

11 ஆண்டுகளுக்கு பிறகு தமிழகத்திற்கு கிடைத்தது

- 

நாடாளுமன்றத்தில் சிறந்த பங்களிப்பை வழங்கியதற்காக தேசிய அளவிலான சன்சத் ரத்னா விருதுக்கு திருவண்ணாமலை தொகுதி திமுக எம்பி சி.என்.அண்ணாதுரை தேர்வு செய்யப்பட்டுள்ளார். 11 ஆண்டுகளுக்கு பிறகு இவ்விருது தமிழ்நாட்டுக்கு கிடைத்து உள்ளது.

சன்சத் ரத்னா விருது குழுவின் 15வது ஆண்டு விருதுகள் வழங்கும் விழா புதுடெல்லியில் வரும் ஜூலை மாத இறுதியில் நடைபெற உள்ளது.

அதையொட்டி, விருது பெறுவோரின் பட்டியலை, ஒன்றிய அமைச்சருக்கு நிகரான தகுதியும் அரசியல் சாசனத் தகுதியும் பெற்ற தேசிய பிற்படுத்தப்பட்டோர் ஆணையத்தின் தலைவர் ஸ்ரீஹன்ஸ்ராஜ் கங்காராம் அஹிர் தலைமையிலான நடுவர் குழு வெளியிட்டுள்ளது.