10ம் வகுப்பு தேர்வு முடிவு நாளை வெளியாகிறது

பிளஸ்1 மற்றும் 10ம் வகுப்பு தேர்வு முடிவுகள் மே 19ம் தேதி வெளியாகும் என்று அறிவித்திருந்த நிலையில் 3 நாள் முன்னதாகவே நாளை காலை (16ம் தேதி) முடிவுகள் வெளியாகும் என தேர்வுத்துறை அறிவித்துள்ளது.

- 

தமிழகம் மற்றும் புதுச்சேரியில் மாநில பாடத்திட்டத்தின் கீழ் இயங்கும் பள்ளிகளில் படித்த 10ம் வகுப்பு மற்றும் பிளஸ் 1 வகுப்புகளுக்கான பொதுத்தேர்வுகள் கடந்த மார்ச் மற்றும் ஏப்ரல் மாதங்களில் நடந்தது. பிளஸ் 1 தேர்வு மார்ச் 5ம் தேதி தொடங்கி 27ம் தேதி வரை நடந்தது. இந்த தேர்வில் 8 லட்சத்து 23 ஆயிரத்து 261 மாணவ, மாணவியர் எழுத பதிவு செய்திருந்தனர். தமிழகம், புதுச்சேரியை சேர்ந்த 7557 பள்ளிகளை சேர்ந்த மாணவ, மாணவியர் பங்கேற்றனர். இவர்களில் 3 லட்சத்து 89 ஆயிரத்து 423 பேர் மாணவர்கள். 4 லட்சத்து 28 ஆயிரத்து 946 பேர் மாணவியர். இவர்கள் தவிர தனித்தேர்வர்களாக 4755 பேரும், சிறைவாசிகள் 137 பேர் தேர்வு எழுதினர்.