துணை ஜனாதிபதி பதவிக்கு இன்று தேர்தல்

துணை ஜனாதிபதி பதவிக்கு இன்று வாக்குப்பதிவு நடக்கிறது. எம்பிக்கள் ரகசிய முறையில் ஓட்டு போடுகிறார்கள்.

- சி.பி. ராதாகிருஷ்ணன், பி.சுதர்சன் ரெட்டி போட்டி

துணை ஜனாதிபதி ஜெகதீப் தன்கர் கடந்த ஜூலை 21ஆம் தேதி உடல் நலக்குறைவை காரணம் காட்டி பதவியை ராஜினாமா செய்தார். இதையடுத்து புதிய துணை ஜனாதிபதியை தேர்வு செய்யும் தேர்தல் இன்று நடக்கிறது. கடந்த 2022 ஆம் ஆண்டு நடைபெற்ற துணைஜனாதிபதி தேர்தலில், பாஜ தலைமையிலான தேசிய ஜனநாயகக் கூட்டணி சார்பில் போட்டியிட்ட ஜெகதீப் தன்கர் 528 வாக்குகளைப் பெற்று வெற்றி பெற்றார். அவரை எதிர்த்துப் போட்டியிட்ட எதிர்க்கட்சிகளின் பொது வேட்பாளர் மார்கரெட் ஆல்வா 182 வாக்குகளைப் பெற்றார்.