அழாதே பாப்பா!

குழந்தை வளர்ப்பில் மிக முக்கியமானது அதன் அழுகையை சமாளிப்பதுதான். இன்று பல பெற்றோர்கள் குழந்தையின் அழுகையை நிறுத்துவதற்கு பதிலாக அவர்கள் மன அழுத்த நிலைக்குச் சென்றுவிடுகிறார்கள்.

- 

குழந்தை ஏன் அழுகிறது? எதனால் அழுகிறது என்பதை கண்டுபிடிக்க மிகவும் கடினம் என்றாலும் குழந்தையின் செய்கைகளிலிருந்து கண்டுபிடிக்கலாம். சும்மா இருக்கும் குழந்தை திடீரென்று அழுதால் அதனை எறும்பு போன்ற பூச்சிகள் கடித்திருக்கலாம், தரையில் தலைகவிழ்ந்து இடித்துக்கொண்டிருக்கலாம். இத்தருணத்தில் குழந்தையை உடனே தூக்கி சமாதானப்படுத்த முயற்சிக்கலாம்.

குழந்தை கையிலிருக்கும் கார் போன்ற பொம்மைகள் கட்டிலுக்கடியில் போய்விட்டால் அதை எடுக்கத் தெரியாமல் அழும். உடனே அந்த பொம்மையை குழந்தை கையில் கொடுத்து அழுகையை நிறுத்தலாம்.

வீட்டுக்கு வரும் விருந்தினர் அல்லது உறவினர் வந்து குழந்தையைத் தூக்கினால் சில குழந்தைகள் அமைதியாக இருக்கும். சில குழந்தைகள் உடனே அழத் தொடங்கும். அந்தக் குழந்தையை அவர்களிடமிருந்து திரும்பி வாங்கித் தூக்கிக்கொண்டு சமாதானப்படுத்தலாம்.