ஞானசேகரன் மீது மேலும் ஒரு பாலியல் வழக்குப்பதிவு

சிபிசிஐடி போலீசார் 2 நாள் காவலில் எடுத்து விசாரணை

- 

சென்னை அண்ணா பல்கலைக்கழக மாணவியை பலாத்காரம் செய்த வழக்கில் கைது செய்யப்பட்ட குற்றவாளியான ஞானசேகரன் மீது, இளம் பெண் ஒருவர் அளித்த மற்றொரு பாலியல் புகாரின் பேரில் சிபிசிஐடி போலீசார் தனியாக வழக்கு பதிவு செய்து, விசாரணை செய்து வருகின்றனர்.

சென்னை கிண்டியில் உள்ள அண்ணா பல்கலைக்கழக வளாகத்தில் கடந்த ஆண்டு டிசம்பர் 24ம் தேதி இரவு இரண்டாம் ஆண்டு படிக்கும் மாணவி ஒருவரை ஞானசேகரன் மிரட்டி பாலியல் வன்கொடுமைக்கு ஆளாக்கியதாக புகார் எழுந்தது. இச்சம்பவம் தமிழகத்தில் பெரும் அதிர்வலையை ஏற்படுத்தியது. இதையடுத்து ஞானசேகரனை கோட்டூர்புரம் உதவி கமிஷனர் பாரதிராஜா தலைமையிலான தனிப்படையினர் கைது செய்து சிறையில் அடைத்தனர். இவர் மீது 8 சட்டப்பிரிவுகளின் கீழ் வழக்கு பதிவு செய்து ஞானசேகரன் பயன்படுத்திய செல்போன் மற்றும் லேப்டாப் பறிமுதல் செய்யப்பட்டது. அதில் இருந்த ஆபாச வீடியோக்கள் பறிமுதல் செய்யப்பட்டன.