கணக்கீட்டு படிவங்களை திரும்ப பெற வாக்காளர் சிறப்பு உதவி மையங்கள்

இன்று காலை 8 மணி முதல் இரவு 8 மணி வரை செயல்படும் மாவட்ட தேர்தல் அதிகாரி குமரகுருபரன் அறிவிப்பு

- 

கணக்கீட்டு படிவங்களை திரும்ப பெற, அடுக்குமாடி குடியிருப்பு பகுதிகளில் இன்று வாக்காளர் சிறப்பு உதவி மையங்கள் செயல்படும் என்று மாவட்ட தேர்தல் அலுவலர் ஜெ. குமரகுருபரன் அறிவித்துள்ளார்.

சென்னை மாவட்ட தேர்தல் அலுவலரும், சென்னை மாநகராட்சி ஆணையருமான ஜெ.குமரகுருபரன் நேற்று வெளியிட்டுள்ள அறிக்கையில் கூறியிருப்பதாவது:

இந்திய தேர்தல் ஆணையத்தின் அறிவுரைகளின் படி, பொதுத் தேர்தல்களுக்கான சிறப்பு தீவிர திருத்தம்-2026 பணிகள் சென்னை மாவட்டத்தில் தீவிரமாக நடைபெற்று வருகின்றன. சென்னை மாநகராட்சிக்குட்பட்ட 16 சட்டமன்றத் தொகுதிகளிலும், வாக்காளர் பட்டியல் சிறப்பு தீவிர திருத்த நடவடிக்கைகள் மேற்கொள்ளப்பட்டு வருகின்றன.