ஆக்கிரமிப்பு குடியிருப்புகளை அகற்ற பொதுமக்கள் எதிர்ப்பு

பூந்தமல்லி அருகே ஆக்கிரமிப்பு குடியிருப்புகளை அகற்ற எதிர்ப்பு தெரிவித்து அதிகாரிகளை முற்றுகையிட்டு பொதுமக்கள் போராட்டத்தில் ஈடுபட்டதால் பரபரப்பு ஏற்பட்டது.

- 

பூந்தமல்லி அடுத்த காட்டுப்பாக்கம் கோபுரசநல்லூர் பிரதான சாலை பகுதியில் வீடுகள், தனியார் பள்ளி, கடைகள், கம்பெனிகள் என 50க்கும் மேற்பட்ட கட்டிடங்கள் உள்ளன. மேலும் இந்த பகுதியில் உள்ள வீடுகளில் சுமார் 50 ஆண்டுகளுக்கு மேலாக மக்கள் வசித்து வருகின்றனர். இந்தப் பகுதியில் உள்ள வீடுகளுக்கு சாலை வசதி, மின் வசதி, குடிநீர் வசதி, ரேஷன் கார்டு, ஆதார் அட்டை உள்ளிட்ட பல்வேறு வசதிகள் உள்ளாட்சி அமைப்புகளால் ஏற்படுத்தி கொடுக்கப்பட்டுள்ளன. மேலும் வீட்டு வரி உள்ளிட்ட பல்வேறு வரிகளையும் இங்கு குடியிருப்பவர்கள் செலுத்தி வந்துள்ளனர்.

இந்த நிலையில் சுமார் 10க்கும் மேற்பட்ட வீடுகள், கடைகள் போன்றவை குட்டை புறம்போக்கு என்று அடையாளம் காணப்பட்டு அவற்றை இடித்து அகற்ற வேண்டும் என்று நீதிமன்றம் உத்தரவிட்டுள்ளது. இதையடுத்து கடந்த 20 நாட்களுக்கு முன்பு ஆக்கிரமிப்பு இடத்தில் குடியிருப்பவர்களுக்கு வருவாய்த்துறை சார்பில் நோட்டீஸ் வழங்கப்பட்டதாக கூறப்படுகிறது.