மேகதாது அணை, பயிர்க்கடன் தள்ளுபடி விவகாரம் காவிரி மணலில் புதைந்து விவசாயிகள் போராட்டம்

கழுத்தில் தூக்கு கயிறு மாட்டியதால் பரபரப்பு

- 

மேகதாது அணை மற்றும் பயிர்க்கடன் தள்ளுபடி விவகாரத்தில் ஒன்றிய, மாநில அரசுகளை கண்டித்து காவிரி மணலில் புதைந்தும், கழுத்தில் தூக்கு கயிறு மாட்டியும் விவசாயிகள் நேற்று நூதன போராட்டத்தில் ஈடுபட்டதால் பரபரப்பு ஏற்பட்டது.

கர்நாடக அரசு மேகதாதுவில் அணை கட்டும் முயற்சியில் ஈடுபட்டு வருகிறது. இதற்கு தமிழக விவசாயிகள் மற்றும் அரசியல் கட்சிகள் கடும் எதிர்ப்பு தெரிவித்து வருகின்றனர். இந்த விவகாரத்தில் ஒன்றிய அரசு பாரபட்சமாக செயல்படுவதாகவும், கர்நாடகாவின் திட்டத்திற்கு மறைமுகமாக ஆதரவு அளிப்பதாகவும் விவசாயிகள் குற்றம் சாட்டி வருகின்றனர்.