முந்தைய ஆதீனத்தின் சமாதி முன் அமர்ந்து மதுரை ஆதீனத்துக்கு எதிராக தம்பிரான் திடீர் போராட்டம்

இளைய ஆதீனமாக ஏற்க மறுப்பதாக குற்றச்சாட்டு

- 

மதுரை ஆதீனத்திற்கு எதிராக தம்பிரான் ஒருவர் முந்தைய ஆதீனத்தின் சமாதி முன்பு அமர்ந்து தர்ணா போராட்டத்தில் ஈடுபட்டது பெரும் பரபரப்பை ஏற்படுத்தியது.

மதுரை ஆதீனத்தின் 293வது ஆதீனமாக 2023, ஆகஸ்ட் 23ம் தேதி ஹரிஹர ஞானசம்பந்த தேசிக சுவாமிகள் பொறுப்பேற்றார். அவர் பொறுப்பேற்றது முதல் சர்ச்சைக்குரிய கருத்துகளை வெளியிட்டு தொடர் விமர்சனங்களுக்கு ஆளாகி வருகிறார். மேலும், தன் மீது கொலை முயற்சி நடந்ததாகக் குறிப்பிட்டு, மத மோதலை தூண்டும் வகையில் கருத்து தெரிவித்து சமீபத்தில் பெரிய கண்டனத்திற்கும் ஆளானார்.