UPINGTON SE NABO KOOK INNIE KAAP

Grey-brak maak gebruik van sy kanse

- AVRIL FILLIES

UPINGTON-BLITS: Nabo Sokoyi in aksie in die Cape Town Stadium.

(GALLO IMAGES)

SONDAG 7 Desember sal nie net onthou word as die emosionele dag dat Lando Norris as nuwe Formule 1-kampioen gekroon is nie, maar ook dat Nabo Sokoyi, Blitsbok van Upington, gehelp het dat die Blitsbokke back-to-back die Cape Town Sevens leg wen.

Albei se trane het in interviews gevloei en, ja, cowboys do cry!

Sokoyi het in die toernooi twee drieë gedruk, maar die opofferings wat hy moes maak om voor sy eie mense sy debuut te maak, is iets wat hy nie sal vergeet nie.

“Toe die Akademie op Stellenbosch twee jaar gelede toemaak, was ek op die rand van insluiting by die Blitsbokke. Dinge het egter nie uitgewerk nie en ek is oorsee om in Frankryk, Rusland en Amerika te gaan speel.