Lucan vat regter Slingers na die vierde dimensie

Lucan beduie na die oop portal wat bokant hulle in die lug huiwer. "Laat ek jou gou gaan wys wat gebeur met iemand wat nie respek vir my het nie.

- 

Eintlik hier in charge is nie!"

Eensklaps verdwyn Lucan met regter Slingers en al deur die portal. Hulle beland in 'n vreemde wêreld. Die lug het 'n snaakse pers kleur, met groen wolke. Aan die uitspansel is drie groot planeet-agtige sfere wat daar bo hang, waarvan een helderder skyn as die ander twee, soos 'n soort son.

Voor hulle is 'n eienaardige vallei met reusagtige bome en plante, wat lyk asof dit uit die oer-tydperk kom. Regter Slingers se mond gaap oop terwyl hy die vreemde wêreld rondom hom bekyk.

Skielik klink 'n onaardse geluid bokant hulle op. Slingers se kop swaai na bo, sy oë rek piering groot toe hy 'n oer-voël sien wat lyk asof dit 'n kruising is tussen 'n afgestorwe Microraptor en 'n Pteranodon longiceps is - net baie groter.

Die voël swiep laag oor hulle en sy skaduwee werp 'n donkerte oor hulle voordat dit in die verte verdwyn.

"W-Wat s-se plek is d-dié?" vra die regter vreesbevange.

"Dit is die vierde dimensie - my blyplek," eggo Lucan se stem deur die vallei.

"Dis 'n dimensie wat parallel met julle wêreld bestaan, maar onbereikbaar vir julle is. Hier bestaan kreature en plantlewe wat nie in julle wêreld bestaan nie."