MEISIE LAM, STIL NA VAL

'n Tienjarige meisie se lewe het onherroeplik verander nadat sy by die skool op haar kop geval het en nou aan 'n rolstoel gekluister is.

- 

GEDULD: Janice Fletcher sê hulle kind is op 'n waglys vir 'n brain scan.

Die ouers van Ayrah Readien (10), Janice (31) en Clayton Fletcher (28), kan dit nou nog nie oor hulle hart kry dat hulle enigste meisiekind dalk nooit weer normaal sal wees nie.

Clayton sê die dag van Ayrah se ongeluk by die Primêre Skool WF Loots was hy siek by die huis.

Terwyl hy oor Ayrah se ongeluk praat, kyk sy na haar daddy en kan net beaam soos hy haar storie aan Son vertel.

Op 30 September het sy en haar klasmaats na 'n ander klas gegaan, want hulle juffrou was nie daar om toesig oor hulle te hou nie.

Terwyl hulle na die klas geloop het, het 'n ander seun glo teen haar gestamp.

Clayton sê hy het van haar maatjies verneem dat sy reg agteroor geval het, met haar kop teen die grond.

“Ek het ook verneem dat sy toe uitge-pass het, en van haar klasmaats het haar opgetel en na die badkamer geneem, haar water gegee en haar gesig afgespoel,” het Clayton gesê.