Tristwch dofn Cadair yr Eisteddfod

Dewrder Tudur yn ysbrydoli'r gynulleidfa gyfan

- GAN ERYL CRUMP

AN fydd pobl yn trafod Prifwyliau'r gorffennol dros banad neu beint yn y blynyddoedd nesaf fe fyddant yn cyfeirio at Eisteddfod Genedlaethol Wrecsam fel 'Steddfod Tudur.

Dyfarnwyd Cadair yr Eisteddfod i'r Prifardd Tudur Hallam am gerddi hynod bersonol yn ymwneud â'i brofiad o gael diagnosis canser.

Mewn seremoni llawn emosiwn brynhawn Gwener, cododd y pafiliwn ar eu traed i gymeradwyo'r bardd buddugol wrth i'r archdderwydd ei gyfarch. Bu brawd Tudur, Gwion Hallam, hefyd yn annerch y pafiliwn i'w gyfarch gyda cherdd emosiynol.

Dyma'r eildro i Tudur Hallam dderbyn y wobr, yn dilyn ei lwyddiant yn y gystadleuaeth yn Eisteddfod Genedlaethol Blaenau Gwent a Blaenau'r Cymoedd yn 2010.

Cefais y fraint wedi'r seremoni i gael sgwrs byr gyda Tudur ac roedd hynny'n brofiad byth-gofiadwy. Mae'n anhebyg fy mod wedi cyfarfod gwr mor ddewr.

Disgrifiodd y profiad o sefyll yn y pafiliwn yn "wefreiddiol".

"Roedd yn achlysur emosiynol iawn, yn enwedig pan gododd y gynulleidfa i'w traed yr eildro. Ond wedi i mi gyfarch fy nheulu fe wnes ymlacio ychydig a mwynhau'r seremoni'n. Roedd yr Eisteddfod a'r Orsedd wedi gwneud popeth gallent i wneud pethau'n rhwyddach," meddai.