திருநெல்வேலியில் ரூ. 56 கோடியில் அமைக்கப்பட்ட பொருநை அருங்காட்சியகத்தை மு.க. ஸ்டாலின் திறந்து வைத்தார்

கிறிஸ்துமஸ் விழாவிலும் பங்கேற்றார்

- 

திருநெல்வேலியில் ரூ. 56 கோடியில் அமைக்கப்பட்ட பொருநை அருங்காட்சியகத்தை முதல் அமைச்சர் மு.க. ஸ்டாலின் நேற்று திறந்து வைத்தார். கிறிஸ்துமஸ் விழாவிலும் அவர் பங்கேற்றார்.

தமிழக முதலமைச்சர் மு.க. ஸ்டாலின் 2 நாட்கள் நெல்லை மாவட்டத்தில் சுற்றுப்பயணம் மேற்கொண்டுள்ளார்.

இதற்காக அவர் சென்னையில் இருந்து தனி விமானம் மூலமாக தூத்துக்குடி விமான நிலையம் வந்தார். அவருக்கு விமான நிலையத்தில் சபாநாயகர் அப்பாவு, தி.மு.க. துணைபொதுச்செயலாளர் கனிமொழி எம்.பி., அமைச்சர்கள் கே.என். நேரு, தங்கம் தென்னரசு, கீதாஜீவன், அனிதா ராதாகிருஷ்ணன், கே.கே.எஸ்.எஸ்.ஆர். ராமச்சந்திரன், மனோதங்கராஜ், எம்.எல்.ஏ.க்கள் மார்க்கண்டேயன், சண்முகையா, தூத்துக்குடி மேயர் ஜெகன்பெரியசாமி உள்ளிட்டோர் வரவேற்றனர். தொடர்ந்து விமான நிலையத்தில் அவருக்கு ஆயிரக்கணக்கான தி.மு.க.வினர் உற்சாக வரவேற்பு அளித்தனர்.