பொதுச்சொத்தைகொள்ளையடிக்க துணை போகும் அதிகாரிகள் ....

குற்றங்கள் பெரும்பாலும் தூண்டப்படுகின்றன. அவை தனிப்பட்டவை ஆயினும், சமூகம் சார்ந்தவை ஆயினும். அரசுத் துறை சார்ந்த லஞ்ச, ஊழல் புகார்களில் அரசியல்வாதிகள் கைகள் ஓங்கி இருந்தாலும், அதிகாரிகளின் பின்புலம் அதற்கு பின்னால் நிச்சயம் இருக்கும்.

- 

அப்படித்தான் பொது சொத்துகளை சூறையாடுவதிலும், அதிகாரிகள் துணையுடனே அனைத்தும் நடக்கின்றன. நீர்நிலை ஆக்கிரமிப்பு, குவாரிகள் கொள்ளை, மணல் திருட்டு என யாவுமே துறை சார்ந்த அதிகாரிகளின் ஆசியுடனேயே நிகழ்கின்றன.

தாம்பரம் மாநகராட்சிக்கு உட்பட நன்மங்கலம் ஏரி, 116 ஏக்கர் பரப்பளவு கொண்டது. சென்னைக்கு அருகில் உள்ள இந்த ஏரி, விவசாயம், குடிநீர் போன்றவற்றுக்கு முக்கிய ஆதாரமாக விளங்கி வருகிறது.

ஆனால், 20 ஆண்டுகளில், இந்த ஏரியை சுற்றி ஆக்கிரமிப்புகள் பெருகியுள்ளன. ஏரியை ஆக்கிரமித்து, வணிகம் மற்றும் அடுக்குமாடி குடியிருப்புகள் கட்டப்பட்டு உள்ளன.

இந்த ஆக்கிரமிப்புகளை அகற்ற நடவடிக்கை எடுக்கக்கோரி, இரண்டு ஆண்டுகளுக்கும் மேலாக, சம்பந்தப்பட்ட அதிகாரிகளுக்கு புகார் மனு அளித்தும் பலனில்லாத நிலையில், ஆக்கிரமிப்புகளை அகற்ற உத்தரவிடக்கோரி சென்னை உயர்நீதிமன்றத்தில் ஒருவர் மனு தாக்கல் செய்தார்.