கலைஞரின் கனவு இல்லம் திட்டத்தால் குடிசையில்லாத தமிழகமாக மாறுகிறது

தமிழ்நாடு முதலமைச்சர் மு.க.ஸ்டாலின் தலைமையிலான தமிழக அரசு, மாநிலத்தில் உள்ள ஏழை, எளிய மக்களுக்கு உதவும் வகையில் திட்டங்களை செயல்படுத்தி வருகிறது. குறிப்பாக, பள்ளி குழந்தைகள் தொடங்கி முதியவர்கள் வரை எல்லாருக்குமான திட்டங்களை செயல்படுத்தி வருகிறது.

- 

இந்நிலையில் கிராமப் பகுதிகளில் வசிக்கும் ஏழை எளிய மக்களுக்கு சொந்தமாக கான்கிரீட் வீடு இருக்க வேண்டும் என்பதற்காக, உன்னதமான திட்டத்தை அறிமுகம் செய்தது. அதுதான் கலைஞரின் கனவு இல்லம் திட்டம்.

2030ம் ஆண்டுக்குள் குடிசைகள் இல்லா தமிழகம் என்ற இலக்கை அடையும் பொருட்டு, 2024ம் ஆண்டு பிப்ரவரி 19ம் தேதி தமிழக சட்டசபையில் 2024-25ம் நிதியாண்டுகான பட்ஜெட் தாக்கலின்போது கலைஞரின் கனவு இல்லம் திட்டம் தொடர்பான அறிவிப்பை நிதியமைச்சர் தங்கம் தென்னரசு வெளியிட்டார்.