சுற்றுச்சூழல் காப்போம், சுய கட்டுப்பாட்டுசூளுரைஏற்போம்....

வனம்தான் ஒரு நாட்டுக்கு அரண் என்றார் வள்ளுவர். அந்த அரணை பாதுகாப்பதே ஒரு ஆட்சியின் நோக்கமாக இருக்க வேண்டும். அமைச்சர், தளபதி, மனைவி மக்கள் என்று சுற்றம் சூழ இருப்பதைவிட, மான், மயில், ஓடும் ஆடும் சுற்றுச்சூழல் நிலவ வேண்டும். இந்த நவீன உலகில், சுற்றுச்சூழல் சீர்கேடு விளைந்துவிட்டால், பூமி உயிர் வாழும் தகுதியை இழந்து விடும்.

- 

எனவேதான், முதலமைச்சர் மு.க. ஸ்டாலின் சென்னை நந்தம்பாக்கம் வர்த்தக மையத்தில் நடைபெற்ற உலக சுற்றுச்சூழல் தின விழாவில் நாம் வாழும் பூமி கடும் நெருக்கடியில் இருக்கிறது என்கின்ற கடினமான உண்மையை உணர வேண்டிய நாள் என்று உலக சுற்றுச்சூழல் தினத்தை குறிப்பிடுகிறார்.

அதுமட்டுமின்றி, "அரசாங்கம் செயல்படுத்துகின்ற திட்டங்களால் மட்டும் இந்த நெருக்கடியைத் தீர்த்துவிட முடியாது. ஊர் கூடித்தான் தேர் இழுக்கவேண்டும்!" என்றவர். "2021-ஆம் ஆண்டு, பிளாஸ்டிக் மாசுபாட்டை எதிர்த்துப் போராட "மீண்டும் மஞ்சப்பை" திட்டத்தை தொடங்கினோம். இது அரசின் திட்டமாக இருந்தால் போதாது! மக்கள் இயக்கமாக மாறவேண்டும் ! அரசாங்கம் திட்டங்களை கொண்டுவர தான் முடியும். அதன் வெற்றி மக்கள் தங்களின் அன்றாட பழக்கங்களை மாற்றிக்கொள்வதில்தான் இருக்கிறது. தொடக்கத்தில் கஷ்டமாகதான் இருக்கும். ஆனால், வேறு வழியில்லை."