விவசாயி கொலை: சகோதரியின் கணவர், நண்பர் அதிரடி கைது

சேலம், ஜூலை.3வாழப்பாடியை அடுத்த அத்தனூர்பட்டிபுதூர் கிராமத்தைச் சேர்ந்தவர் விவசாயி முனியன் (46). இவருக்கு செல்வி (37) என்ற மனைவியும், மகன்களும் உள்ளனர். இவர், கடந்த பிப்ரவரி 15-ஆம் தேதி இருசக்கர வாகனத்தில் வெளியே சென்றவர் வீடுதிரும்பவில்லை.

- 

இதையடுத்து, அவரது மனைவி செல்வி வாழப்பாடி காவல் நிலையத்தில் புகார் அளித்தார். இந்தப் புகாரின்பேரில் போலீஸார் வழக்குப் பதிவு செய்து விசாரணை மேற்கொண்டு வந்தனர்.

இந்நிலையில், முனியனின் சகோதரிகள் ராணி, நீலா ஆகிய இருவரையும் திருமணம் செய்துள்ள அதே பகுதியைச் சேர்ந்த கட்டடத் தொழிலாளி வெங்கடேஷ், தனது நண்பர் சேகருடன் சேர்ந்து முனியனை அடித்துக் கொலை செய்திருக்கலாம் என முனியனின் மனைவி, அவரது பெற்றோருக்கு சந்தேகம் ஏற்பட்டது.