தமிழக பா.ஜ.க. தேர்தல் பொறுப்பாளர் பியூஸ் கோயல்-எடப்பாடி பழனிசாமி ஆலோசனை

“பாரதீய ஜனதாவுக்கு 40 தொகுதிகள் வேண்டும்” என வலியுறுத்தியதாக தகவல்

- 

சென்னை வந்த பியூஸ் கோயலுக்கு பூங்கொத்து கொடுத்து எடப்பாடி பழனிசாமி வரவேற்ற போது எடுத்த படம்.

தேசிய ஜனநாயக கூட்டணியில் ஓ. பன்னீர் செல்வம், தினகரன் இடம் பெறுகிறார்கள். தமிழக பா.ஜ.க. தேர்தல் பொறுப்பாளர் பியூஸ் கோயலும், அ.தி.மு.க. பொது செயலாளர் எடப்பாடி பழனிசாமியும் நேற்று சென்னையில் முக்கிய ஆலோசனை நடத்தினார்கள். இதில், தேசிய ஜனநாயக கூட்டணியில் ஓ. பன்னீர் செல்வம், தினகரன் ஆகியோரை சேர்த்துக்கொள்வது என்று முடிவு செய்யப்பட்டதாக தெரிய வருகிறது. இந்த சந்திப்பின் போது, “பாரதீய ஜனதாவுக்கு 40 தொகுதிகள் வேண்டும். என பியூஸ் கோயல் வலியுறுத்தியதாக தகவல் வெளிப்பட்டு இருக்கிறது.

பாஜகவுடன் அதிகாரப்பூர்வமாக தொகுதிப் பங்கீடு பேச்சுவார்த்தையை தொடங்கியது அதிமுக.

தமிழக சட்டசபைத் தேர்தலுக்கு இன்னும் சில மாதங்களே உள்ள நிலையில் கூட்டணி நகர்வுகள், விருப்ப மனுக்கள் அளித்தல், பிரசாரங்கள், பொதுக்கூட்டங்கள், தேர்தல் அறிக்கை தயாரிப்பு என அரசியல் கட்சிகள் தீவிரமாக களமிறங்கிவிட்டன. இதனால் தேர்தல் களம் இப்போதே சூடுபிடிக்க தொடங்கி விட்டது.