கொடைக்கானலில் போக்குவரத்து நெரிசலை தவிா்ப்பதற்கு சாலைகள் அமைப்பது குறித்து ஆய்வு

திண்டுக்கல் மாவட்டம் கொடைக்கானலில் தொடர்விடுமுறை நாட்கள் மற்றும் சீசன் காலங்களில் பெருமாள்மலை முதல் கொடைக்கானல் நகர்ப்பகுதி வரை கடும் போக்குவரத்து நெரிசல் ஏற்பட்டு, சுற்றுலாப்பயணிகள் மற்றும் உள்ளூர் மக்கள் போக்குவரத்து நெரிசலை தவிர்க்க மாற்று சாலை அமைக்க வேண்டும் என தொடர்ந்து கோரிக்கை விடுத்தனர்.

- 

கடந்த சில மாதங்களுக்கு முன்பு நெடுஞ்சாலை துறை அமைச்சர் எ.வ.வேலு புலியூர் அருகே உள்ள பகுதிகளில் இருந்து பெருமாள் மலைப்பிரிவு வரை செல்லும் சாலைகளை நெடுஞ்சாலை துறை அதிகாரிகளுடன் ஆய்வு மேற்கொண்டார். இதைத்தொடர்ந்து போக்குவரத்து நெரிசலை தவிர்க்க கொடைக்கானல் வில்பட்டி ஊராட்சிக்கு உட்பட்ட கோவில்பட்டி கிராமத்தில் இருந்து பாரதி அண்ணாநகர், பேத்துப்பாறை வழியாக பெருமாள்மலை பிரிவு அருகே செல்லும் வரை மாற்று சாலைகள் அமைப்பது குறித்து கடந்த சில தினங்களாக நெடுஞ்சாலை துறையினர் தொடர் ஆய்வு மேற்கொண்டு வருகின்றனர்.