பாம்பன், மண்டபம் மீனவர்கள் கடலுக்கு செல்ல மீன்வளத்துறையினர் திடீர் தடை

தமிழகம் முழுவதும் மீன்களின் இனப்பெருக்க காலத்தையொட்டி ஏப்ரல் 15-ந்தேதி முதல் ஜூன் 14-ந்தேதி வரை 61 நாட்கள் மீன்பிடி தடைக்காலமாக அறிவிக்கப்படுகிறது. இந்தக் காலகட்டங்களில் மீனவர்கள் தங்களது விசைப்படகுகளை மராமத்துப் பணி பார்த்தல், வலைகளைச் சீரமைத்தல் உள்ளிட்டப் பணிகளை மேற்கொள்கிறார்கள்.

- 

ராமநாதபுரம் மாவட்டத்தைப் பொறுத்தவரை ராமேசுவரம், மண்டபம், பாம்பன், தொண்டி, உச்சிப்புளி, மூக்கையூர் ஆகிய இடங்களில் இருந்து கடலுக்குச் செல்வதற்கு சுமார் 5 ஆயிரத்திற்கும் மேற்பட்ட விசைப்படகுகள் தயார் நிலையில் இருந்தன. அதேபோல் வழக்கமாகக் குறைந்த தூரத்திற்குச் சென்று மீன்பிடித்து வரும் நாட்டுப்படகு மீனவர்கள் இன்று கடலுக்குச் செல்வதற்காக ஆயத்தமாகி இருந்தனர்.