தாலி கட்டிய சிறிது நேரத்தில் புதுமாப்பிள்ளை மாரடைப்பால் உயிரிழப்பு

கர்நாடக மாநிலம், பாகல்கோட்டை மாவட்டம் ஜமண்டி தாலுகா கும்பரஹள்ளி கிராமத்தை சேர்ந்தவர் பிரவீன் (வயது 26). இவருக்கும், பார்த்தனஹள்ளி கிராமத்தை சேர்ந்த 23 வயது இளம்பெண்ணுக்கும் இருவீட்டாரும் திருமணம் பேசி முடிவு செய்தனர். அவர்களது திருமணம் ஜமகண்டியில் உள்ள நந்திகேஷ்வரா மண்டபத்தில் நடந்தது. சரியாக காலை 10 மணிக்கு மணமகன் பிரவீன், மணமகளுக்கு தாலி கட்டினார்.

- 

இதையடுத்து திருமண வரவேற்பு நிகழ்ச்சி நடந்தது. மணமக்கள் மேடையில் நின்று புகைப்படம் எடுத்து கொண்டிருந்தனர். ஒரு சில புகைப்படங்கள் மட்டுமே மணமக்கள் எடுத்ததாக கூறப்படுகிறது. இந்தநிலையில் திடீரென்று பிரவீனுக்கு நெஞ்சுவலி ஏற்பட்டது. இதனால் அவர் மயங்கி கீழே சுருண்டு விழுந்தார். இதைப்பார்த்த குடும்பத்தினர் பிரவீனை மீட்டு அருகே உள்ள ஆஸ்பத்திரிக்கு அனுப்பி வைத்தனர்.