மூதாட்டி பாலியல் பலாத்கார வழக்கு: தேசிய மகளிர் ஆணையம் விசாரணை

கடலூர் மாவட்டம் பண்ருட்டி அருகே உள்ள ஒரு கிராமத்தை சேர்ந்த 80 வயது மூதாட்டி அங்குள்ள சாலையில் தனியாக நடைப்பயிற்சி சென்றார்.

- 

அப்போது சாலை ஓரத்தில் அமர்ந்து மது குடித்து கொண்டிருந்த 2-க்கும் மேற்பட்ட வாலிபர்கள் திடீரென மூதாட்டியை வலுக்கட்டாயமாக அங்குள்ள சவுக்கு தோப்புக்குள் இழுத்து சென்றனர்.

பின்னர் அவர் அணிந்திருந்த ஆடைகளை கிழித்து கூட்டு பாலியல் பலாத்காரம் செய்ததோடு அவர் காது, மூக்கில் அணிந்திருந்த 1 பவுன் நகைகளை அறுத்துக் கொண்டு அங்கிருந்து தப்பி சென்றனர்.

பின்னர் உடல் நிலை பாதிக்கப்பட்டு கிடந்த மூதாட்டியை அந்த வழியாக சென்ற பொதுமக்கள் மீட்டு சிகிச்சைக்காக சிதம்பரத்தில் உள்ள மாவட்ட அரசு மருத்துவக்கல்லூரி மருத்துவமனைக்கு அனுப்பி வைத்தனர். அங்கு அவருக்கு டாக்டர்கள் சிகிச்சை அளித்து வருகிறார்கள்.