Anak, kahit 'di nanalong vice-gov. VILMA KAY LUIS: KAILANGAN KA NAMIN DITO SA BATANGAS

A inaugural address ni Star for All Seasons Vilma Santos-Recto para sa pag-upo niyang muli bilang gobernadora ng Batangas ay nagbigay siya ng mensahe sa kanyang naging running mate na si Vice-Governor Luis Manzano.

- ni BETH GELENA

Hindi pinalad ang mahusay na TV host sa unang pasok niya sa pulitika, pero hindi raw ibig sabihin nu'n ay titigil na si Luis sa kanyang ipinangako sa mga Batangueños.

Nakakaantig ng puso ang mensaheng ipinaabot ni Ate Vi para sa anak: "To you, Luis my son, we will be needing you here in the Capitol because of your energy and your youth perspective, your understanding of the aspirations, concerns, and ways of thinking of our young generations, and what programs and projects we should adapt and be responsive to their real needs."

Kaya naman, very proud si Ate Vi sa kanyang anak na talaga namang nagmana sa kanya.

Like mother, like son, 'ika nga!

SAMANTALA, ngayon pa lang ay excited na si Governor Vilma Santos-Recto sa kanyang libro na may titulong Vilma Santos Icon.

Bale second printing na ang book, though hindi pa nailo-launch ay malapit na itong mabili sa online shopping.

Bale tatlong libro ang ilalabas para sa Star for All Seasons, at ito ngang VSI ang nauna.

Ang coffee table book ang ikalawang ire-release ng masusugid na tagahanga ni Ate Vi.

Ang ikatlong book naman ay nagsasaad ng kumpleto niyang filmography.