BARICUATRO NIDEPENSA SA CPAC

Gidepensahan ni Gobernador Pamela Baricuatro ang Cebu People's Action Center (CPAC) nga girekomenda sa committee on budget and appropriations sa provincial board nga dili papundohan sa tuig 2026.

- 

GOVERNOR PAMELA BARICUATRO

Ang buhatan sa gobernador inisyal nga niduso og P14 milyones alang sa CPAC sa sunod tuig.

Apan sa rekomendasyon sa budget committee sa provincial board nagkanayon nga dili pa pormal nga opisina ang CPAC sa Probinsiya sa Sugbo ug ang pag-aproba sa alokasyon niini posibleng moresulta sa disallowances sa Commission on Audit (COA).

Ug gumikan niini, si Baricuatro niluwat og pamahayag diha sa social media nga nidepensa sa pag-establisar sa CPAC nga nagsilbing public complaint desk ug response and support body sa Probinsiya sa Sugbo.