Nikulata sa mga tinun-an ipangkiha

Pasakaan og mga kaso sa kapolisan ang upat ka mga tawo nga mitabang sa pagkulata sa usa ka Grade 8 nga tinun-an sa Banilad Night High School niadtong gabii sa Hulyo 1, 2025 dihang padulong na kini mouli sa ilaha sa Barangay Talamban, Cebu City.

- 

Ang pagpangulata nakuha sa CCTV camera 200 meters ang gilay-on gikan sa tunghaan sa Talamban Night School hinungdan nga nailhan dayun sila sa mga otoridad.

Sa wala pa nahitabo ang pagpangulata, dunay tinun-an sa Talamban Night High School nga gikatahong nagkaon og noodles atol sa ilahang recess apan nasaghiran kini sa laing duha ka Grade 7 nga tinun-an ug nayabo ang gikaong noodles.

Wala damha nga kadtong nagkaon sa noodles nga usa sab ka Grade 7 nagpalaban na diay niadtong upat ka mga hamtong nga lalaking iyang silingan ug giatangan kadtong duha atol sa ilang pagpamauli.